Papa Francis amefariki dunia leo Jumatatu ya Pasaka, Aprili 21, 2025, akiwa na umri wa miaka 88 katika makazi yake katika Casa Santa Marta, Vatican.

Muda mfupi uliopita, Mwadhama, Kardinali Farrell, alitangaza kwa masikitiko kifo cha Baba Mtakatifu Francis, kwa maneno haya: 

“Ndugu wapendwa, kwa huzuni kubwa sina budi kutangaza kifo cha Baba Mtakatifu Francisko”.

Papa huyo raia wa Argentina hivi majuzi alitumia wiki tano katika hospitali akipambana na nimonia.

Francis alihudumu kama papa kwa takriban miaka 12, baada ya kuchaguliwa kwake tarehe Machi 13, 2013 kufuatia kujiuzulu ghafla kwa mtangulizi wake Benedict XVI.

Papa, ambaye sehemu ya pafu moja ilitolewa akiwa na umri wa miaka 20 na alikuwa amepambana na matatizo ya afya kwa miaka mingi, alilazwa Gemelli tarehe 14 Februari.

Katika miaka ya hivi majuzi alilazwa hospitalini mara kadhaa katika Gemelli ambapo alitibiwa katika chumba cha ghorofa ya 10 kilichohifadhiwa mapapa pekee.

Kifo cha papa kinakuja wakati wa Mwaka wa Yubile wa Vatikani, tukio kuu la kidini linalofanyika Roma kila robo karne.